Tanglish Talks: An ode to the morning debt

Posted on June 24, 2021

7


I keep writing scenes and other random stuff. Thought they’d make for fun blog posts, titled ‘Tanglish Talks’. Do read, share, mock, comment, ring the bell icon, whatever 🙂 !

காலை கடன்.
என்ன ஒரு அழகான மறைபொருள்.
‘மறைபொருள்’ என்று நிஜமாகவே
ஒரு வார்த்தை இருக்கிறதா என்று கேட்காதீர்கள்.
நான் ஒரு Peter.
“euphemism” என்று என் தந்தை மொழியில் சொல்லியிருப்பேன்.
‘மறைபொருள்’ என்று என் தாய்மொழியில் மழுப்புகிறேன்.
Peter என்றதும் நினைவுக்கு வருகிறது…
பள்ளி பருவத்தில் ஒரு நண்பன் இருந்தான்.
அவனுக்கு நான் ஆங்கிலத்தில் பேச்செடுப்பது
கடுகளவு பிடிக்காது.
முகத்தில் கடுகு வெடிக்கும் என்பார்களே.
அது தான் அவன்.
உர்ர் என்று முறைத்து
“Thames-ல குண்டி குழுவினியா?” என்று கேட்பான்.

Anyway…
(இன்றைய தலைமுறை போல “Anyways” என்று சொல்ல பிடிக்காது.)
காலை கடன்.
“உண்டதை வெளியேற்றுதல்” என்று சொல்லியிருக்கலாம்.
“மலம் கழித்தல்” என்று சொல்லியிருக்கலாம்.
“ஜீரணத்தின் கடைசி அத்தியாயம்” என்று
ஒரு Tamil Pulp Fiction novel தலைப்பு போல
கொஞ்சம் திகிலூட்டும்படி கூறியிருக்கலாம்.
ஆனால் இந்த மறைபொருளுக்கு தான் எத்தனை நேர்த்தி.
நேற்று உண்ட உணவு — அதாவது
நாம் பூமியிலிருந்து எடுத்து கொள்கிற சோத்து சொத்தை 
பூமிக்கே வட்டியுடன் திருப்பி தருகிற ஒரு உணர்வு.
நாம் தாழ்ப்பாள் போட்டு கொண்டு
தனியாக செய்யும் செயல்
இந்த மறைபொருளால்…
It feels like completing an “ecological circle”.
தமிழாக்கமா?
அட ஆமாண்டா.
நான் Thames-ல குண்டி கழுவுபவன் தான்.